Walang Basbas
Nahulog, nabasag, nasaktan, at nasira Iyan lamang ang pinili mong makita Kahit anong tanggal ko sa piring ng ‘yong mga mata Isang sinungaling sa harap mo, diyan ka tiwalang-tiwala Nagmahal, nagningas, nalusaw, naupos Tulad ng ‘sang kandila, inalay kong pag-ibig sa ’yo ay lubos Binigyan ka ng liwanag sa dilim na walang makita halos Kahit pa ang kapalit nito’y buhay ko ang matapos Nahuli, naglihim, nagsakripisyo, nawasak Mga pangarap sa toreng itinayo’y tuluyang bumagsak Lingid sa kaalaman mo, sa likod ko’y magulang mo ang sumaksak Ngayon ay nag-iisa at sa sulok umiiyak.